Қазақстан Республикасы еңбек заңнамасы сақталуының тәуекел дәрежесін бағалау өлшемшарттары мен тексеру парақтарын бекіту туралы
Қазақстан Республикасы Денсаулық сақтау және әлеуметтік даму министрінің 2015 жылғы 25 желтоқсандағы № 1022 және Қазақстан Республикасы Ұлттық экономика министрінің 2015 жылғы 28 желтоқсандағы № 801 бірлескен бұйрығы
(2024.27.09. берілген өзгерістер мен толықтырулармен)
ҚР Еңбек және халықты әлеуметтік қорғау министрінің 2022.04.10. № 405 және ҚР Ұлттық экономика министрінің 2022.04.10. № 70 бірлескен бұйрығымен (2022 ж. 21 қазаннан бастап қолданысқа енгізілді) (бұр.ред.қара); ҚР Еңбек және халықты әлеуметтік қорғау министрінің 2022.12.12. № 492 және ҚР Ұлттық экономика министрінің 2022.12.12. № 123 бірлескен бұйрығымен (2023 ж. 1 қаңтарда қолданысқа енгізілді) (бұр.ред.қара) кіріспе жаңа редакцияда
Қазақстан Республикасы Кәсіпкерлік кодексінің 141-бабы 5-тармаққа, 143-бабының 1-тармағына сәйкес БҰЙЫРАМЫН:
ҚР Еңбек және халықты әлеуметтік қорғау министрінің 2022.12.12. № 492 және ҚР Ұлттық экономика министрінің 2022.12.12. № 123 бірлескен бұйрығымен 1-тармақ өзгертілді (2023 ж. 1 қаңтарда қолданысқа енгізілді) (бұр.ред.қара)
1. Қоса беріліп отырған:
1) осы бірлескен бұйрыққа 1-қосымшаға сәйкес Қазақстан Республикасы еңбек заңнамасы сақталуының тәуекел дәрежесін бағалау өлшемшарттары;
2) осы бірлескен бұйрыққа 2-қосымшаға сәйкес Қазақстан Республикасы еңбек заңнамасының және Қазақстан Республикасы халықты жұмыспен қамту туралы заңнамасының сақталуын тексеру парағы бекітілсін.
2. Қазақстан Республикасы Денсаулық сақтау және әлеуметтік даму министрлігінің Еңбек, әлеуметтік қорғау және көші-қон комитеті:
1) осы бірлескен бұйрықты Қазақстан Республикасы Әділет министрлігінде мемлекеттік тіркеуді;